E kel la

Txeu vez ja-m para pa pensa

ke nha vida era pa ser ot koza

nhas sonhe konkretizod, nhas dezeje realizod

Konde es dzem ke vida era mas do ki es li,

mas du k N ten li,

mas du ki mi, 

N kardita.

Kond es dze-m ke vida ka tinha k ser asin,

ke N ka tinha k estod li

N kardita

Ma N eskse ke ka tava da pa txa de ser mi

Y mi, arma, e mi ma bo y nhas jente

nha dia-a-dia 

nhas tormente,

nhas sufrimente,

E mi inrolod na nhas sirkunstansia, 

na nha falta de substansia, 

na auzensia de ventes de bonansa

Manera Ke N ta pode para pa pensa na manha, 

manera Ke N ta pode pará pa snhá

se nha vida e un dia, ke ta vida ta kumesa y kaba tud dia

N kria pode djga la

N kria pode da un pose de kada vez,

poi sentide na nha futur

Ma bo sabe, 

e kel la, 

e kel la, 

e kel la.